Jowai, Jylliew 16:
Ar ngut ki khynnah ïalehkai na West Jaiñtia Hills District ki la shah jied ban leit shah pyntbit ha ka shlem ai jinghikai jong ka klob ïalehkai Indian Super League, ka Bengaluru Football Club.
Kine ki long u Givenson Suting (U-15) na ka skul North Liberty Higher Secondary School bad u Avidrian Lato (U-13) na Jowai Public School.
Ha Jowai kine ki khynnah ki la ïoh jinghikai na ka Power Soccer Academy (PSA), Mynthong Jowai bad Advance Grassroot Centre jong ka shlem treikam u District Sports Officer (DSO) na ar ngut ki rangbah- u Amity Tongper bad u Milan Lynrah.
Hadien ba ka Bengaluru FC ka la wan ïuhkjat ha nongbah Jowai, ka la khot ïa kine ar ngut ki khynnah sha ka prokram jied kaba khatduh (final trial) ba lai sngi ba la pynlong da ka BFC ha Bengaluru ha u Jymmang.
