C.B Iawphniaw
Kane ka mat ban bteng biang ia ka thung kam thung jam kan sa sdang noh shen ka long ka jingkmen ia ki samla wad kam wad jam ha ka Jylla.
Kane ka jingleh ka sorkar ka long ba kam kwah ba ki samla khlem kam khlem jam kin shu shang makia shane shatai, khlem kam khlem jam. Ym kum ka seng VPP bad ka jingthmu jong ka, ka long ba ka kwah ban pynsangeh ia ka jingthung kam thung jam tang na ka daw bym shongnia. Kane ka Reservation policy bad ka jingleh ka VPP ka long kumba dung da u sum ia ki samla ba thrang ban ioh kam ioh jam, kam long kaba bha ban pynsangeh ia ka thung kam thungjam kumba ong u Myntri Rangbah. Namar shisha ka rta bad ki snem jong kiba thep kam kin sa tam bad kin duh noh ia la ka lad ioh kam ioh jam.
Kumta ban pynsangeh ia ka thung kam ka long kum ka jingkhang lad ia ki samla ban bam ja miet ja step. Kane ka long ka jingiohi jongngi ki riew paidbah halor kane ka mat ban pynsangeh ia ka jingthung kam ym lah ban pdiang da ki samla wad kam.
