Malaysia, Jylliew:
Katkum ka khubor ba lah ioh lum ka iathuh ba na ka lympung iakob pynmareh Saikel kaba long mynta ha Niali ka Asian Track Cycling Championship ka long ba u nong-ialehkai na ka ri (Ind) u Ronaldo Singh Laitonjam u la lah ha ka ban thaw rekod ha ka ri na ka jingiakob Men’s Sprint Qualification (200m Flying Time Trial), hadien ba utei u rangialehkai u la lah ban pyndep ia ka jingiakhun ha ka por 9.877 sekhon .
Shuh shuh ruh u Ronaldo uba long ruh u shibynta u dkhot ka TOPS (Target Olympic Podium Scheme), ha kata ka jingiakhun ka jong u mynta u la lah ban pyndep ha ka jak aba 10 ban shah jied ruh na ka bynta ka R16 ha ka jingiakob Sprint ki shynrang.
Da kaba shimbynta ha katei ka lympung ialehkai ba mynta, utei u rangialehkai ba 21 snem na ka jylla Manipur u la iai pynjanai shuh shuh ia ka Rekod-ri ka jong u da 0.033sekhon.
Ha ka bynta ba la lah dep long jong katei ka lympung ialehkai kaba lah pynlong ha Delhi, u Ronaldo u la lah ban thaw ia ka khana-pateng ha ka ri da kaba kylla long u nongpynmareh Saikel ba nyngkong ka ri ban lah khur takma Rupa da kaba wan ba-ar ha ka lympung na ka kyrdan ialehkai ki Senior. U long ruh u rangialehkai uba lah wan ha ka kyrdan ba-ar ha ka rynsan iakob Sprint.
Ha kajuh ka lympung ialehkai, u la lah ruh ban khur ia ka takma Rnong ha ka 1km Time Trial bad ruh ha ki rynsan iakob Sprint jong ki kynhun.
