Shillong, Jylliew 18:
Ka lympung ïalehkai phutbol jong ki kynthei kaba la tip kum ka SSA Women Football League 2023, kan sdang lashai ka sngi ka 19 tarik. Ha kane ka sngi sdang yn pynïakhun ar tylli ki jingïalehkai.
Ïa kane ka lympung yn plie da u President jong ka Shillong Sports Association u Bah Eugeneson Lyngdoh, uba long ruh u MLA barim kum u kongsan nalor ka jingdon lang jong ki nongïalam bad dkhot ka SSA.
Ha kane ka sngi sdang, ka jingïalehkai ba nyngkong kan sdang ha ka por 2.30 noh phai sngi, ha kaba ka Laitkor Sports Club kan ïakhun pyrshah ïa ka Umpling Sports Club. Katba ka jingïalehkai ba ar kan long ha ka por 4.15 janmiet, ha kaba ka PFR Academy kan ïakhun pyrshah ïa ka Mawkriah West Sports Club.
