Shillong, Jylliew 18:
Ka Tottenham Hotspurs ka la pyndep ïa ka ban soi pura ïa u Dejan Kulusev-ski uba dei u rangïalehkai ïa uba la shu shim wai na ka club Juventus.
Une u rangïalehkai ka Sweden u la leit pynïasoh sha ka Tottenham kaba la shim wai na ka bynta 18 bnai ha u bnai Kyllalyng-kot, 2022, da kaba buh ruh ka dor ban thied kaba kot sha ka £29.2m.
Une u rangïalehkai ba dang 23 snem ka rta, mynta u la soi ïa ka kontrak kaba 5 snem bad kane ka club ha ka Pre-mier League, bad katkum ka khubor la ong ba la pynduna ïa ka dor sha ka £25m.
Ha kine ki 18 bnai, ba la shu shim wai na ka Juventus, u Kulusevski na ki 57 tylli ki jingïalehkai, u la khyrwit 7 tylli ki kol bad ïarap ruh ïa ka Tottenham ban ïoh rung sha ka lympung Champions League ha u snem 2021-22.
U dei ruh u rangïaleh-kai uba la thep ar kol na ki 29 tylli ki jingïalehkai na ka bynta ka Sweden bad ha u bnai Nohprah jong u 2022 u la khur ïa ka khusnam ‘Guldbollen’, ka khusnam kaba dei na ka bynta u rangïalehkai ba tbit jong ka Sweden ha utei u snem.
U Kulusevski u la mih na Sweden ha ka snem kaba 16 ban pynïasoh sha ka club Atalanta bad pynlut ïa ka samoi ha u snem 2019-20 ha ka jingshah shim wai ha ka Parma. Ha ka sngi ba pynïasoh sha ka Juventus ha u Nailur jong u snem 2020, u Kulusevski u la ïoh ban thep kol ha ka jingïalehkai kaba nyngkong bad na ki 74 tylli ki jingïalehkai, u la khyrwit haduh 9 tylli ki kol, shwa ban leit ïalehkai pat na ka Tottenham.
