Auckland, Jylliew:
Uwei na ki rangialehkai Krikret ka New Zealand uba tbit ban ialehkai ha baroh ki bynta jong ka jing-ialehkai u Michael Bracewell, u lah hap ban weng noh shuwa ialade mynta na ka ban iadonlang bad ka kynhun baroh kawei ha ka ICC ODI World Cup 2023 na ka daw jong ka jingshitom. Utei rangialehkai u lah mad ia ka jingmynsaw ha ka kjat kamon katba u dang shimbynta ha ka jingialehkai na Worcestershire ha ka jing-iakhun T20 pyrshah ia ka Yorkshire.
U Bracewell u long u rangialehkai ba ar jong katei ka kynhun uba lah mad ia ka jingshitom kaba jlan kata hadien ba u Kane Williamson u lah mad ia ka jingshitom ha ka por ba u dang shimbynta ha ka IPL mynta u snem katba u dang ialehkai na ka Gujarat Titans.
Shuh shuh ka khubor ka iathuh ruh ba ka jingbym shym la lah jong utei u rangialehkai uba tbit ha ka liang kawang bol ban iadonlang bad ka tei ka kynhun ka ban sa iakhun ha katei ka lympung, kan long ka jingduh kaba khraw naba u long uba tbit tam eh ha ka kam kawang bol; nalor u nongtied ba pawbha jong ka tei ka kynhun.
