Jowai, Jylliew 19:
Ka Nonglatem SC ka la pynjem khnap ïa ka Loompyrdi Ïongpiah haduh shiteng dorjon ha ka lympung ïalehkai Third Division Football Tournament na ka bynta ka 3rd Adelbert Memorial Trophy ha ka Lah Sngi U Blei.
Ïa kane ka lympung ïalehkai la pynïaid da ka West Jaiñtia District Sports Association ha Kiang Nangbah Stadium kaba ha Ladthadlaboh, Jowai.
Ha kane ka jingïakhun, u Living Suja u la ïoh ban khyrwit haduh 4 kol, katba u Tomi Lamare u la thep ha ka minit kaba 16 bad ïa kawei pat la ïarap pynthep da u rangïalehkai ka Loompyrdi Ïongpiah u Ïakhroo Laloo ha ka minit kaba 30.
Ha ka jingïakhun kaba ar, ka Umbhahdakha ka la pynliem noh ïa ka Pammanik da 2-0 kol. Ïa kine ki kol la thep da u Sumarmiki Suting ha ka minit kaba 38 bad u Pynkhreh Talang ha ka minit kaba 66.
Haba phai sha ka jingïakhun kaba khatduh, ka Nangbah Mooknor ka la lah ban pynliem noh ïa ka Tpepale da 2-0. Ïa kine la thep da u Poimidanial Thubru ha ka minit kaba 49 bad u Soki Lamare ha ka minit kaba 60.
