Illinois, Jylliew:
Ki bor pyniaid ka Illinois ki la iathuh ba uwei u briew u la khlad bad 20 ngut pat kiba mynsaw na ka jingjia synreit kuli ha ka jingleh sngewbha Juneteenth hapoh Willobrook jong ka Illinois.
Katto katne na kitei kiba mynsaw la pynkit noh sha ki jaka sumar da ki kali kit nongpang bad ia kiba dang lah ban iaid pat la shu ialam bad pynkit da ki kali paidbah. U heh jong ka Dupage County u Eric Sawanson u la ong ba ia ka daw jong katei ka jingjia ym pat lah satia ban tip shai bad ki pulit ki dang ialeh ban tohkit lyngba jong kito kiba sakhi bad kiba don ha katei ka jaka ha ka por ba katei ka jingsia ka la jia.
Ia 10 ngut na kitei kiba la mynsaw, la pynkit sha ki 4 tylli ki jaka sumar ha ryngkat ki jingmong bad ki dak kuli. 2 ngut napdeng jong ki, ki dei kiba la mynsaw jur bad ka jingim jongki ka don hapdeng ka jingma.
Kumba 12 tylli ki kali kit nongpang ki la leit her sha katei ka jaka ha katei ka sngi. La ioh jingtip ruh ba katei ka jingsiat ka la sdang ha ka por kumba 12:30 ha kawei ka jaka pynieng kali hapoh Willowbrook kumba 21 mile na ka phang West jong ka Chicago.
