Jowai, Jylliew 19:
Ka shlem treikam jong u District Sports Officer (DSO), West Jaiñtia Hills ka la rai ban pynsangeh ïa ki jingïakhun jong ka District Level Inter School Subroto Mukherjee Cup Football Tournament kiba la thmu ban pynlong ha Kiang Nangbah Govt. College namar ka jingbym biang jong ka madan ïalehkai.
Nangta, u DSO u la pyntip ruh baroh ki jingïakhun jong ka Subroto Cup yn pynlong tang ha Kiang Nangbah Stadium ka ban sdang ha ka Sngi Ba-ar (20 tarik). Katba ïa ki jingïakhun kiba la thmu ban pynlong ha kane ka sngi ha Kiang Nangbah Govt. College yn pynlong noh ha ka 21 tarik ha Kiang Nangbah Stadium.
Ha kane ka lympung ïalehkai jong ki khynnah skul la wan shim bynta haduh 64 tylli ki skul kiba kynthup ïa ki shynrang bad kynthei. Ha ka Under-17 Boys la don 28 tylli ki skul, ha ka Under-14 Boys ki don 26 tylli bad ha ka Under-17 Girls ki don 9 tylli ki skul.
