Shillong, Jylliew 19:
Ka kynhun ïalehkai karate ka Jylla hapoh ka lama jong ka All Meghalaya Karate-Do Association (AMKA) ka la wan ka kyrdan balai ha ka India Open International Karate Championship 2023 kaba la kut ha ka sngi U Blei ha ka nongbah Delhi.
Kane ka lympung ïalehkai kaba ar sngi kynthih ïa kaba la sdang naduh ka sngi Saitjaiñ, ka Meghalaya ka la khur 17 tylli ki takma kiba kynthup ïa 5 tylli ki takma ksiar, 6 ki takma rupa bad 6 ki takma rnong.
Ïa kine ki takma ksiar la khur da ka Daphishisha Shadap (girl’s cadet kumite -53 Kg), Larisha Kurbah (girl’s junior kumite -59 Kg), Daphilahun Wahlang (girl’s cadet kumite +54 Kg), Damebanmerbha S. Blah (boys junior kumite – 50 Kg) bad ka Saralin Rynghang (women kumite – 50 Kg).
Ïa ki takma rupa la khur da ka Inlumlang Skhemiew (girl’s cadet kumite – 40 Kg), Rebeka Nongspung (women kumite – 45 Kg), Bhawanchwadame L. Mawphlang (boy’s junior kumite +76 Kg), u Davyson Kharkongor (men open kata), uba la khur ruh ia ka takma rnong ha ka kumite – 50 Kg, Kmenlang Shabong (boy’s junior kumite – 50 Kg) bad u Nangkitbok Phira (men kumite – 50Kg).
Ïa ki takma rnong la khur da ka Durka Padit (women kumite – 68 Kg), Carene Sohiong (women kumite – 50 Kg), Garry Daniel L. Mawlong (men kumite -67 Kg), Anysha Wahlang (girl’s cadet kumite -47 Kg) bad u Paul Danny Kharmudai (men kumite – 60 Kg).
Ïa kane ka kynhun la ïalam da u Bah Donboklang Lyngdoh, Arjun Sewa, Pynhunlang Kharbuli bad u Sunil Rathee kum ki coach bad manager.
Halor katei jinglah ban khur jop, na ka liang ka AMKA ka la ai khublei ïa kane ka kynhun kaba la lah ban ïalehkai bha na ka bynta ban pynurlong ha ka ban khur takma ha katei ka lympung bad ban wanphai ïing ryngkat ka jingjop.
