Shillong, Jylliew 20:
Ka shlem treikam u District Sports Officer (DSO) Ri Bhoi District ha ryngkat ka jingïatrei lang bad ka District Social Welfare, Ri Bhoi kan pynlong ïa ka jingïakob mareh ba la tip kum ka ‘5k Marathon’ ha ka 26 tarik mynta u bnai.
Ka jingpynlong ïa katei ka marathon ka long shi bynta ban rakhe ïa ka “International Day against Drug Abuse and Illicit Trafficking”.
Ka por ban ïa mareh kan sdang ha ka 6:30 mynstep na Saiden Indoor Stadium sha NSCA Indoor Stadium kaba ha Umlyngkdait, Nongpoh. Ki bor pynïaid ki la pynkhreh ruh ïa ki khusnam ha kaba ki nongjop kin ïoh ïa ka song pisa kaba T. 5000, T.4000 ïa kiba wan ba-ar bad T. 3000 ïa kiba wan balai ha ka liang ki kynthei bad shynrang.
