Jowai, Jylliew 20:
Ka Ïalong Secondary School, Laishnong HSS, Nartiang Presbyterian HSS, Achiever’s Secondary School bad ka Ummulong Presbyterian HSS ki la khur ïa ka jingjop ha kaba sdang ïa ka “District Level Inter School Subroto Cup Football Tournament 2023” ha ka Sngi Ba-ar ha Kiang Nangbah Stadium, Ladthadlaboh Jowai.
Ïa kane ka lympung la pynïaid da kashlem treikam u District Sports Officer (DSO), West Jaiñtia Hills District ha kaba ki la don 64 tylli ki skul kiba la wan ïashim bynta. Kine ki kynthup ïa 28 tylli ha ka Under- 17 Boys, 26 tylli ha ka Under-14 Boys bad 9 tylli ha ka Under-17 Girls.
Ha ka jingïakhun jong ka kyrdan Under-17 Boys, ka Ïalong Secondary School ka la pynliem ïa ka Ladthadlaboh Secondary School da 1-0 kol. Ka Laishnong HSS ka la pynliem ïa ka Lumpyrtuh Secondary School da 2-1 kol. Ka Nartiang Presbyterian HSS ka la pynliem ïa ka Khimusniang Presbyterian Secondary School lyngba ka tie-breaker da 4-2 kol.
Ka Achiever’s Secondary School ka la pynliem ïa ka JNV School da 1-0 kol, katba ka Ummulong Presbyterian HSS ka la jop ïa ka Amwi HSS Thangbuli da 2-0 kol.
Kane ka lympung kan bteng biang ha ka sngi Balang ha kaba ki jingïakhun jong ka kyrdan ïalehkaiUnder-17 Boys kan long hapdeng ka Muthlong Pioneer Secondary School pyrshah ïa ka Jowai District Press. SS, Ïalong ha ka por 8 baje mynstep. Ka RC Eve Sec School ïa ka Seiñraij HSS ha ka por 9:30. Ka Police Public Sec School ïa ka Mang Hai Ryum SS ha ka por 11 baje mynstep. Ka Marian Hill HSS ïa ka Jaiñtia HSS ha ka por 12:30 baje nohphai sngi. Ka Jowai Press. HSS pyrshah ïa ka Trangblang Govt UP & RMSA ha ka por 2 baje nohphai sngi bad ka Police Public School ïa ka Jowai Govt. U/P & RMSA School ha ka por 3:30 baje janmiet.
