C. B. Iawphniaw
Ka jingioh bat ia ka jait ka long kum ka bor kaba khlaiñ ia ki kynthei ka Bri u Hynñiewtrep. Kane ka ai jait sha ka kmie kan pynblad noh ia ka tynrai ka jinglong nylla ka jaitbynriew. Ka don ka jingma kaba khraw ia ka jaitbynriew ha ki sngi ki ban sa wan. Kane ka long ka jingiohi haba bishar ia kiei kiei kiba paw kiba lah ban ktah ia ka jaitbynriew bad ha ka imlang ka sahlang, lyngba ka jingai jait sha ka kmie kum ka jingbun kiba kit khunrei, ka jingioh lok (tnga) bar jylla kaba la i ma ban peit ha kine ki sngi.
Ka snam bad u symbai nongwei ka la klang ha baroh ki rympei ka jaitbynriew. Shano keiñ ngin leit haba la ïa beh ia u ‘tiewkulab bad ka spah u nongwei. Ka long thik ba ngin ym lait da lei lei na ka shangkawiah ne ka jing-riam kaba ktah ia ka jaitbynriew ba rit jongngi. Ka jing-kit khlieh ia ka kur ka jait ka la sting bad nang troiñ lyngba kane ka ai jait sha ka kmie. Ki pyrsa kurim ki long boss ha ka jaka ki khun shynrang bad kynthei ne khun trai ka kmie bad u kpa.
Ka spah kam neh ha ki long-iing longsem Khasi, namarba ia ka nongpateng ki jingdon jingem ki kmie ki kpa la bat shabi u shongkha bad ka khatduh. Ki kynthei Khasi ki kham khlain bor ïa u shynrang Khasi hapoh ka kur ka jait. U shynrang Khasi um dei uba don ka bor haduh ka 12 bor kumba ki pynkmen tohhoh.
Ki ong ba ka ai jait sha ka kmie ka long ka jingai bad jingbuh jong u Blei. Em, ka long ka jingleh jong u briew lyngba ka dustur kaba sniew kaba lah ban pynduh jait ia ka jaitbynriew. Khlem pep ngin sa long u nongtong um jongno-re-jongno ha ki sngi ban sa wan kumba la iohi u Myllung Soso Tham naduh ki por ba mynshuwa. Kane ka pynpaw ba ki kynthei jong ngi ki kham khlaiñ bor ban ïa u shynrang Khasi.
