Washington, Jylliew:
Ka jingleit wad kaba jur ha ki bynta ba marpdeng jong ka duriaw Atlantic ïa ka kynhun jong ki nongleit jurip bniah da ka jhad ngam um (Subma-rine) ïa ka jhad Titanic ka dang ïai bteng.
Ka jingbym ïoh shuh ban ïakren bad kane ka kynhun ka la jah noh hadien shi kynta 45 minit hadien ba ki la ngam shapoh um, ka la pynlong ïa ki bor ba dei khmih ba kin leit wad ïa ki, la ïathuh ka tyllong khubor.
Ka kynhun kaba dei khmih halor ka jingleit ngam um jong ki nongwad bniah, ka la ong ba yn sa ïaleh katba lah ban ïoh pyllait im ïa ka kynhun kaba la jah jong ki san ngut kiba la shong ha ka Polar Prince naduh ka sngi U Blei.
Kine ki san ngut ki long u Hamish Harding, Shah-zada Dawood, Suleman Dawood, Paul-Henri Nargeolet bad u Stockton Rush.
