Guwahati, Jylliew:
Ka Election Commission of India (ECI), ka la buh ka jingkyrpad katkum ka jingthoh halor ka jingthmu pyntreikam pyrkhing na ka bynta ka jylla Assam. Katkum katei ka jingthoh ba la buh jingkyrpad, ka Jalukbari Assembly konstitwensi ka la shah phiah sha ki lai bynta.
Kumba la ïathuh, la ong ba ka Jalukbari ka dei ka konstitwensi jong u Myntri Rangbah ka Assam u Himanta Biswa Sarma kaba u la mihkhmat naduh u snem 2001.
Kum ka jingpynphai ktien halor katei ka rai jong ka Election Commission, u Sarma u la ong ba u dap da ka jingsngewsih haba u ïohsngew halor kane.
Katkum ka jingthoh ba la phah, la ong ba kin ym don kino kino ki jingpynkylla ha kaba ïadei bad ka jingdon jong ki Assembly ne ki Parliamentary konstitwensi ha Assam. Katba ka jingdon jong ki konstitwensi ha Assam Legislative Assembly kin sah 126 tylli, ka jingdon jong ki Parliamentary konstitwensi na ka konstitwensi ruh kin sah 14 tylli.
