Ka IDY 2023 ka rah ïa ka khubor “Vasudhaiva Kutumbkam – Kawei ka Longiing, Kawei ka Pyrthei’ sha baroh kawei ka pyrthei

‘Yoga na ka bynta ka Vasudhaiva Kutumb kam’ ka dei ka phang jong ka International Day of Yoga mynta u snem bad kane ka phang ka pyni ia ka jingbteng jong ki sienjam jong baroh kiba don kti ha ka IDY ban tei ia ka pyrthei kaba koit ba khiah, kaba kmen, kaba shongsuk shongsaiñ bad kaba kylla katkum ki jingdonkam. Ka yoga ka wanrah ia ka bor bad ka ‘Vasudhaiva Kutumbkam’ ka dei ka rukom peit ia ka pyrthei kum kawei ka longiing bad ka jingngeit ha kane. Haba ngi peit ha kane ka rukom, iaka yoga la leh ha India naduh ki por hyndai ka long ka bor kaba khlain ban pynurlong ia ka jingduwai kaba mynshuwa kaba ong: ‘Sarvebahvantusukhina, sarvesantuniramaya” (to baroh kin long kiba kmen bad to baroh kin lait na ki jingpang’).

Ha kaba sdang, nga ban biang hangne ba ka Ayush ka la mad ia ka jingiaid shaphrang ha kine ki 9 snem. Ka dei ka jingiohi jngai bad ka jingsngewthuh ba Jylliew ia ki rukom jong ka India ba u Myntri Rangbah Duh, u Narendra Modi u don kaba la ialam sha ka jingkiew shaphrang jong ka Ayush. Ka jingieng skhem jong u na ka bynta ka jingai jingshakri ia u paidbah, bad ka jing-thrang ban iohi ia ka India ba kan long kaba tbit ha ki kam ka la ialam sha ka jingrakhe ia ka IDY ha kylleng ka pyrthei ha kaba man u snem kiba iashim bynta ha kane ka jingrakhe ka kiew. U Myntri Rangbah Duh ha u snem 2014 u la wanrah ia ka ‘mantra’ jong ka bha ka miat bad ka koit ka khiah ha kylleng ka pyrthei hakhmat ki ri ba long dkhot jong ka United Nations ha kaba u la tyrwa ban don ka jingrakhe ia ka International Day of Yoga ha ka 21 tarik u Jylliew man u snem. Ki ri ba long dkhot jong ka UN ki la pdiang lang baroh ia kane bad mynta ka pyrthei baroh kawei ka la pdiang ia kane.

‘Ka Yoga na ka bynta ka Vasudhaiva Kutumbkam” kam dei tang ka kam shi sngi. Ka dei ka phang kaba la pyrkhat Jylliew, la iamir jingmut bad ka pyrkhat sani da kiba bun bad kaba la thmu da u Myntri Rangbah Duh, u Narendra Modi. Ki nongmihkhmat jong ki ri G20 bad ki ri ba long dkhot bad ba iatrei lang bad ka SCO (Shanghai Cooperation Organisation) ruh ki burom bha ia ka yoga. Mynta u snem, ki nongmihkhmat na ki ri bapher bapher kin ialeh yoga ha India ha ka International Yoga Day.

Ka International Day of Yoga, kumba ngi iohi mynta ka dei kaba la wan na ka jingpdiang kaba la kham iar ia ka yoga, ka jingtrei jong baroh kawei ka Sorkar ha kaba baroh ki tnat Sorkar India bad baroh kiba iadon bynta ha kane ki iatrei lang. Ka tnat External Affairs ka pynshlur ia ki embassy ka India, ki mission ka India shabar ka ri bad ki consulate ha kylleng ka pyrthei ba kin pynlong ia ki prokram yoga ha ka International Day of Yoga. Kane ka kyntiew ia ka yoga ha kylleng ka pyrthei bad ka pynkhlain ia ka jingiadei jong ka India bad kiwei kiwei ki ri.

Ban ioh lut ia ki jingmyntoi na ka phang ka IDY 2023, ka kam kaba nyngkong ka dei ban poi sha baroh ki bynta jong ka pyrthei. Ha une u snem ba la dep, ngi la pynlong ia ka “Guardian Ring of Yoga” na ka bynta kane. Mynta u snem ngin don ka jingleh yoga kum ka “Ocean Ring”, bad ka jingpyni ia ka yoga kum ka “Yoga from Arctic to Antarctica” – ki ri kiba don ha u Prime Meridian line. Kine ar tylli ki prokram ha ka 21 tarik u Jylliew kan kyntiew ia ka jingiashim bynta ki briew na ki ri bapher bapher bad kan pyni ruh ia ka yoga kum ka bor kaba kyrshan ia ka jingim, watla ki briew ki don ha kano kano ka jingeh. Yn don ruh ka jingleh yoga ha ki thain North bad South Pole, haHimadri -ka jaka wad bniah jong ka India kaba don ha Svalbard, Arctic; bad ha Bharti – ka jaka wad bniah kaba lai jong ka India ha Antarctica.

Ban don ka jingiashim bynta baroh ki bynta jong ka imlang sahlang ha ka jingrakhe ia ka IDY 2023, lah pynlong ia ki prokram bapher bapher ha ka International Day of Yoga hapoh ka ri. Yn don ka Yog Bharatmalaha kaba la  iashim bynta ki dkhot ka Indian Army, Indian Air Force, Navy, Coast Guard bad ka kynhun Border Roads. Ki don ruh ki Amrit Sarovar jong ka tnat rural development kum shi bynta ka jingrakhe. Ki tnat Education, Defence bad kiwei kiwei ki tnat ka Sorkar Pdeng ki long shi bynta jong kane ka jingrakhe. Kane ka pyni ruh ia ka jingtrei jong baroh ki bynta jong ka Sorkar. Ka jingthmu ka dei ban pynishai ba ka IDY ka dei na ka bynta baroh bad baroh ki don la ka bynta ha kane ka jingrakhe.

Ki don ka Common Yoga Protocol ha ki shnong bad na ka bynta kane la iatrei lang bad ki common service centre. Ki Ayush Health & Wellness Centre hapoh ka National Ayush Mission kin don ia ka Common Yoga Protocol. Kane ka dei ia baroh ki Health and Wellness Centre ha kylleng ka India. Yn don ka CYP ha baroh ki jaka Ayush kum ki jaka ai jinghikai, ki hospital bad kiwei kiwei ki jaka. Kawei ka Ayush Gram na man ki jylla ruh kin iashim bynta ha ka CYP bad na ka bynta kane, la pynbiang ia ki nonghikai yoga ha ki shnong ba la jied khnang ban kot sha ka thong “Sampoorna Yoga Gram”. Ka thong ka long ban pynurlong iaka “Har Aagan Yoga” da kaba rah ia kane sha ki kyndong kynshrot jong ka ri bad na ka bynta kane la pynbiang ia ka jingai jinghikai ia ki briew ha ka Common Yoga Protocol (CYP) ha palat 2 lak ki shnong ha India.

Mynta u snem, u Myntri Rangbah Duh un ialam ia ka jingpyni yoga ha ka United Nations headquarters ha New York. Nga thikna ba kane kan wanrah ka jingkyrshan kaba iar ia ka yoga na ki ri bapher bapher. Shuh shuh, ka prokram kaba heh tam jong ka IDY mynta u snem kan long ha Jabalpur, Madhya Pradesh ha ka 21 tarik u Jylliew. U Vice President ka India, u Jagdeep Dhankharun ialam ia ka jingleh yoga paidbah ha Garrison ground, Jabalpur. U Lat ka Madhya Pradesh, u Mangubhai Patel, u Myntri Rangbah, Shivraj Singh Chauhan, u Myntri Khynnah ka tnat Ayush, u Dr. Munjpara Mahendrabhai bad kiwei kiwei ki heh ki hain kin iadon lang ha kane ka sngi. 

Katba ngi dang kham jan sha ka jingrakhe ia ka IDY 2023, man ka minit, man ka sekon bad man ka jaka ki don ka jinglong kaba kyrpang. Baroh ngi don la ka jong ka bynta ban pynlong ia ka IDY 2023 kaba jop. To buh por khyndiat ialade na ka bynta ka bor jong ka koit ka khiah kaba wan na ka yoga kumba nga ruh nga leh. Ngeit ianga, ka IDY mynta u snem ka long kaba kyrpang bad ka ‘Yoga’ ka iasoh bad ka bor jong ka “Vasudhaiva Kutumb kam”.

SarbanandaSonowal

Myntri Sorkar Pdeng ba dei khmih ïa ki tnat Ayushbad Ports, Shipping and Waterways

                                                                                         PIB