Islamabad, Jylliew:
Ka Pakistan, kaba dang shah ktah jur mynta na ki kynrum kynram kiba mih ha ka liang ka synshar ka khadar bad kumjuh ka jingkyrduh pisa, ka la sdang ban pynkhreh na ka bynta ka General ilekshon da ka jingïalang jong ka kynhun ba dei khmih ha kaba ïadei bad ki kam ilekshon ïa kaba la pynïaid da u heh nongïalam jong ka kynhun ha kaba la ïakren halor ki mat ba ïadei bad ki jingpynbeit ryntih na ka bynta ban pynlong ïa ka ilekshon ka ban long ha ka rukom ka ban ïaid beit ïaid ryngtih ka ban sa long ha une u snem.
U Chief Election Commissioner Sikandar Sultan Raja u ïakren bad shah pynsngewthuh shai ha ki heh jong ka Election Commission of Pakistan (ECP), ka kynhun kaba dei khmih ïa ki rukom pyntreikam ha kaba ïadei bad ka ilekshon ha ka ri, la ong ka jingthoh ba la phah.
Ka ECP ka la dep ban pynbna hashwa ba ka 13 tarik, Naitung kan long ka tarik kaba khatduh na ka bynta ka jingthep kyrteng, ka jingkhmih bniah bad ka jingpynshisha baroh kiba ïadei bad ka ilekshon.
