Agartala, Jylliew:
Ki pulit jong ka Tripura na ka thaiñ Ashwini Market jong ka Agartala ki la kem ïa arngut ki briew ha ka step jong ka sngi Balang, halor ka jingsuba ba ki la ai jingïarap ïa ki dkhot jong ka kynhun lehnoh na Pakistan.
Ïa kine kiba la shahkem la tip kyrteng kum u Yakub Yazdanbox bad u Shahin Mandal.
Ha ka por ba la pynlong ïa ka jingkhmih bniah da ki pulit, la ïoh ban kurup ïa ki Aadhaar Card, PAN Card kiba thok, ïa ki Mobile phone na kine kiba la shahkem.
Shuh shuh la ïathuh ba ki nongshong shnong ka thaiñ ki la ïoh ban pdiang ïa kiba bun ki dur bad ki jingtip kiba ïadei shaphang ka kynhun lehnoh kaba dei jong ki nong Pakistan ha ki Mobile Phone jong ki.
U Sub-Divisional Police Officer (SDPO) Asish Dasgupta bad u Officer-in-Charge (OC) Nadugopal jong ki pulit ka Amtali Police Station ïa mynta ki dang pynlong ïa ka jingtohkit kaba bniah ïa kine ki arngut kiba la shahkem.
