Imphal, Jylliew:
Ki la don saw ngut ki dkhot jong ka kynhun lehnoh United National Liberation Front (UNLF), kiba la shahkem ha Thoubal distrik jong ka Manipur kaba ïa mynta ka la ngat ha ki jingeh na ka daw ka jingdon jong ka jingïakynad kaba jur, la ïathuh u heh shipai. U nongaiktien jong ka tnat shipai ïada ri u la ong ba u 51-mm mortar bad u bom la ïoh ban kurup na kine ki dkhot jong katei ka kynhun lehnoh ha Lilong.
“Kum shi bynta ban pyntreikam hadien ba la ïoh jingtip shaphang ka jingdon jong kine ki lehnoh, ka la don ka jingkhmih bniah ïa ki kali ha ka Checkpost hajan ka jaka treikam jong ki pulit ka Lilong ha ka miet jong ka sngi Ba-ar. Ki la don saw ngut ki dkhot jong ka kynhun UNLF ha ki ar tylli ki kali kiba la shah bat ha kaba nangne la ïoh ban kurup ïa ki tiar siat bad pynbthei. Ïa kine kiba la shahkem la aiti sha ki pulit,” la ong u Army Public Relations Officer.
