Guwahati, Jylliew:
U Guardian Minister bad u State Health and Family Welfare Minister u Keshab Mahanta ha ka sngi Palei u la leit ban jurip bniah ïa ki rukom pyntreikam na ka bynta ka jingshna ïa ka Baghara Medical College and Hospital ha Morigaon distrik.
Ha ka por jong ka jing-leit jurip bniah, la synran ïa u da u Devasish Sharma, uba long u Deputy Commissioner jong ka Morigaon, u Hemanta Kr Das, Morigaon Superintendent of Police bad kiwei pat ki heh sorkar.
U Myntri u la hukum ïa ki heh jong ka PWD (Building) ba kin pynïaid beit ïaid ryntih ïa ki rukom pyntreikam ha ka ban shna ïa kane ka Medical College and Hospital khnang ba yn lah ban pyntreikam noh ïa ka kham kloi katba lah.
Ka Baghara Medical College and Hospital ka dei ka Project ïa kaba la ap khmih lynti ha ka thaiñ ban lah ban pyndep kloi noh ïa ka khnang ban ïohlad ha ka ban pynbiang ïa ki lad ai jingsumar bad kumjuh ban ai jingmyntoi sha ki briew ka thaiñ.
