Jowai, Jylliew 23:
Ka Sawlyngdoh Higher Secondary School (Under-17 Boys) bad ka Ïalong Secondary School (Under-14 Boys) ki la khyrwit mar shiteng dorjon ha ka lympung ïalehkai “District Level Inter School Subroto Cup Football Tournament”.
Ïa kane ka lympung ïalehkai la pynïaid da ka shlem treikam u District Sports Officer, West Jaiñtia Hills District ha Kiang Nangbah Stadium Ladthadlaboh ha ka sngi Thohdieng.
Ha ka jingïakhun kaba nyngkong jong ka kyrdan Under-14 Boys, ka Ïalong SS la pynliem noh ïa ka Achiever’s SS da 6-0 kol. Ka David & Lois Rees Memorial School ka la jop da 5-0 kol ïa ka Che’s Star Secondary School. Ka H.K Singh Memorial Secondary School la la pynliem da 3-0 kol ïa ka Don Bosco Secondary School. Ka Moosachram UP School Namdong ka la pynliem da 4-0 kol ïa ka Jowai District Presbyterian Secondary School.
Ha ka kyrdan Under-17 Boys, ka Sawlyngdoh HSS ka la pynjem khnap ïa ka Dongïurim SSA U/P & RMSA School da 7-0 kol. Ka Syiem Jingsuk Secondary School Amlarem ka la pynliem da 1-0 kol ïa ka Modern Secondary School.
