Itanagar, Jylliew:
Ka jingïai bteng jong ka jinghap u slap uba jur ha ki ar sngi ba la leit, ka la wanrah ïa ka jingtwa kyndew ha kiba bun ki jaka kiba don ha Arunachal Pradesh, ha kaba kane ka la ktah ïa ki lad phah khubor ha kiba bun ki distrik, la ïathuh ki heh ba dei khmih ha ka sngi Palei.
Ka jingjia jong ka jingtwa khyndew na ka daw jong ka jinghap u slap uba jur ka la khang ïa kiba bun ki lynti kiba don ha ka surok Aalo-Pangin ha West Siang distrik, la ong u Assistant Engineer jong ka PWD (Highway) u Gemar Padu.
U la bynrap shuh shuh da kaba ong ba ka surok ka la shah khang lynti ha ki saw tylli ki jaka kiba don hajan Lokpeng ha Siang distrik.
“Ka tnat ba dei khmih ka la phah ïa ki kynhun ha ryngkat ki kor ki bor na ka bynta ban pynkhuid ïa ka jingtwa na kylleng ki jaka,” la ong u Padu, u la bynrap shuh shuh da kaba ong ba shen yn sa lah ban pynbiang ïa ki jingthut treikam bad ka jingduh treikam jong ki lad phah khubor.
