Jowai, Jylliew 25:
Ka jingïakhun pre-quarter final jong ka lympung ïalehkai ki khynnah skul kaba tip kum ka District Level Inter School Subroto Cup Football Tournament ba la pynïaid da ka shlem treikam u District Sports Officer, West Jaiñtia Hills kan sdang ha ka 26 tarik ha madan Kiang Nangbah Stadium.
Ki skul kiba la jam sha ka pre-quarter ha ka Under-17 Boys ki long ka Jowai Presbyterian HS School, Sawlyngdoh HS School, Mang Hai Ryum Secondary School, Marian Hill HS School, Govt. Boys HS School, RC Eve Secondary School, HK. Singh Memorial School, Jowai District Presbyterian Secondary School, Achiever’s Secondary School, Ummulong Presbyte-rian HS School, Laishnong HS School, Nartiang Presbyterian HS School, North Liberty HS School bad ka Ïalong Secondary School.
Ha ka Under-17 Girls ki long ka Amwi HS School, Jowai Govt. UP & RMSA School, North Liberty HS School bad ka HK Singh Memorial Secondary School.
Ha ka Under-14 Boys ki long ka Little Flower HS School, Ummu-long, North Liberty HS School, Govt. Boys HS School, Moosa-chram UP School, RC Eve Secon-dary School bad ka JNM Secondary School Lamin.
Haba phai sha ka jingïakhun kaba la long ha ka sngi Saitjaiñ, ha ka kyrdan Under-14 Boys, ka All Saints Diocesan Secondary School ka la pynliem noh da 2-0 kol ïa ka Khimusniang Presbyterian Secon-dary School.
Ka Riwar Jaintia C.O.G Secondary School ka la pynliem noh ïa ka Seiñraij HS School lyngba ka tie-breaker da 4-3 kol.
Ka Laishnong HS School, Nongbareh ka la pynliem kput noh ïa ka Ladthadlaboh Secondary School da 8-0 kol. Ka Ummulong Presbyterian HS School kala pynliem noh da shiteng dorjon ïa ka Jaintia HS School. Ka Lumpyrtuh Secondary School ka la pynliem noh da 3-2 kol ïa ka Rising Hills English School, Mowtyrchiah.
Katba ha ka kyrdan Under-17 Boys ka Syiem Jingsuk Secondary School ka la pynliem noh da 3-1 kol ïa ka Little Flower HS School, Ummulong.
