Tbilisi, Jylliew:
Ka President jong ka Georgia ka Salome Zurabishvili ka la map noh ia uwei u nongthoh khubor myn ha ka sngi Palei namar kum shi bynta ban rakhe ia ka press freedom organizations. Kane ka jingmap jong ka Salome ka long kaei kaei kaba la pynheh mynsiem bha ia ki bahaiing hasem jong utei u nongthoh khubor kiba la ap khmih lynti ia u ba un ioh lait noh na patok.
U Nika Gvaramia uba dei u direktor jong ka Mtavari TV la rai da ka iingbishar ba u hap ban shong patok haduh 3 snem shiteng ha kaba kane ka long hadien ba la kynnoh ba ka Channel jong u ka la pynmih ia ki khubor ki bym sngew iahap bad kiba kynthoh ruh ia ka sorkar. U Nika hadien ba ula shong patok la kumba shisnem tam myn ha ka sngi Palei ula ioh mih noh na patok hadien ba la map ia u da ka President Salome. Ka jingioh mih noh u Nika na patok la pyni ha ki TV bad ka long ka jingkmen bakhraw ia ki paid nongshong shnong ka Georgia ki bym shim poi pyrkhat satia ba une u nongthoh khubor un ioh ia ka jingmap. Ka kurim jong une u nongthoh khubor ka Sofia Liluashvili ha ka jingiakren bad ki lad pathai khubor ka la pynpaw ka jingsngewnguh ia ka President Salome kaba dang don ia ka mynsiem pyrkhat para briew. Dang mynta ka taiew ka Supreme Court ka la kyntait ia ka jingkyrpad u Nika ban pyllait noh na ka jingset patok bad ka US Embassy kaba don ha Georgia ruh ka la don bynta lem ban kyrpad ia ka sorkar ba kan pyllait noh shisyndon ia u Nika bad ong ba ka jingset patok ia u ka dei ka bym don nongrim hangno hangno ruh.
Ha ka sngi Palei u President jong ka Eu-ropean Council u Charles Michel ula pynpaw ka jingsngewnguh ia ka President Salome kaba la map noh ia u Nika bad kaba la pyllait ia u na ka jingshong patok.
