Jowai, Jylliew 25:
Ka West Jaintia District Sports Association (WJDSA) ka la khot ïashim bynta sha ka lympung ïalehkai Under-17 Independence Day Cup Football League Tournament 2023.
U Hony General Secretary ka West Jaiñtia District Sports Association (WJDSA), u Bah Lammat-oo Laloo u la pyntip ba ka bai rung (entry fee) ka long 1500 tyngka bad ka bai register ïa uwei u rangïalehkai ka long 30 tyngka bad ym long ban palat ïa ka 25 ngut.
Ka tarik kha kan long naduh ka 01.06.2006 bad ki kot kiba donkam ki long ka Adhaar, Birth Certificate bad kiwei kiba ithuh da ka sorkar.
U Bah Laloo u la ong ka por kam dei shuh ka por ban leh thok, kumta u la kyntu ïa ki club ban shimkhia bad lada lap ïa kiba leh thok ïa ki certificate shisyndon yn pyndam ryngkat ka jingdaiñ kuna.
Ka tarik ba khatduh ban pynpoi ïa ka bai rung ka long ha ka 05.07.2023 ha u Hony General Secretary ka West Jaiñtia District Sports Association (WJDSA), u Bah Lammat-oo Laloo.
