Ka Jaiñtia Dorbar, Jaiñtia Hills, Meghalaya ka la dawa na ka sorkar India ban ai Khasi & Jaiñtia State ia ngi ki Khasi Pnar katkum ka Constitution jong ka Ri India Article 371 – A. Naduh ba ka sorkar Phareng ka la phiah ia ki pud ki sam jong ka Ri Khasi Jaiñtia bad ka la ai sha ka Sorkar Assam ba synshar da u Chief Commissioner. Kumjuh ruh haba ka Sorkar Assam ka la synshar ia ngi ki Khasi Pnar bad ka la lehbeiñ shuh shuh ia ngi da kaba pharia ia ki pud ki sam jong ka Khasi Jaiñtia, khamtam ia ki pud jong ka Ri Jaiñtia ha Ri Thor hapoh Cachar District bad kumjuh ruh ha ka Jaiñtia North Plain area haduh Brahmaputra.Bad ruh ka la phiah ia u pud ka ri Jaintia ba la khot ka Block I bad Block 2 bad ka la ai ban pyniasoh shapoh ka Mikir Hills District. Katba ki Mikir ki dei ki Trai Shnong jong ki harud wah Dhansiri kaba dei hapoh Assam. Kumta haba pynbeit pud ka Meghalaya bad Assam ka Karbi Anglong ka la dawa jur ba ia ki pud hapoh Ri Jaiñtia ym dei shuh ban ai sha ka Ri Jaintia. Kane ka long ba ki Mikir Hills kim dei Trai ia ka Block 1 Block 2 bad ki dei trai na ka thaiñ Dhansiri bad kim don hok ban ia don kti lang ban ia pynbeit pud ia ka Block 1, Block 2 ban ai sha Meghalaya State.
Kumjuh ruh haba la synshar da ka Meghalaya ia ka Khasi Jaintia ba ki Development bad kiwei kiwei de ka la leh beiñ ia ka Ri Khasi Jaintia. Kumta ka jingdawa ia ka Khasi Jaintia State ka long kaba donkam ia ngi ki Khasi Pnar ban ai ia ka State pura ia ngi. Ngi dei ban kynmaw haba ka por ka Sorkar Phareng ka la ai ILP ia ka Khasi Jaiñtia ha u snem 1873 ban iada na ka jingwan rung jubor ki nongwei hapoh Khasi Jaiñtia. Hynrei haba la ioh ia ka State Meghalaya ka Sorkar Meghalaya ka la kyntait ban ai ILP ia ngi ki Khasi Pnar.
Halor kine ki jingshisha hangne ka jingdonkam ia ka Khasi Jaiñtia State ka long ba donkam eh ia ngi ba ngin ioh khnang ba ki paidbah Khasi Jaiñtia kin nang ioh ne nang roi ha ka liang ka development hapoh Khasi Jaiñtia.Kumta ka Sorkar India ka dei ban ai Khasi Jaiñtia State ia ngi ki Khasi Pnar namar ka jingdawa jong ngi ka long kaba shongñia ban ioh ia la ka jong ka state pura ban lait na ki Garo Hills namar ba ka dustur Khasi bad Jaiñtia bad ki Garo ka iapher bak la bak. Ia ka shithi ba la dawa state Khasi Jaiñtia Dated 12 Jylliew 2023 la dep phah sha u myntri rangbah ka Ri. Katkum ka map Jaiñtia 1824 A. D.
Barding Sari
President
Jaintia Dorbar, Jaintia Hills, Meghalaya
Lad Mukhla
