Guwahati, Jylliew:
Ki pulit jong ka Hajo ha Kamrup (Rural) distrik jong ka Assam ki la ïoh ban kurup ïa u Heroin uba la kot sha ka T. 18 klur. Ki pulit ki la ïoh ban kurup ïa kumba 2.2 kilo u Heroin na ka jingkhmih bniah ïa arngut ki briew, kiba la shahkem ha ki pulit jong ka Assam police.
Ïa ki song jong u Heroin la thep ha ki 165 tylli ki synduk thep sabon. Ki arngut kiba la shahkem ki dei shi bynta jong ka kynhun khaïi drok ha ka jylla.
Ïa kine ki arngut kiba la shahkem la tip kyrteng kum u Abdul Hassan bad u Mustak Ali, kine baroh arngut ki dei ki nongshong shnong jong ka Manipur.
Katba ïa ki 100 tylli ki song sabon kiba don ïa u Heroin la ïoh na ka kali ha kaba kine ki arngut ki la shong ban leit jingleit, sa kumba 65 tylli ki song sabon ba don drok la ïoh na ka ïing jong ki.
Kine ki briew ki la shahkem hadien ba ka kali kaba ki shong ka la hap sha kawei ka khap nala kaba don ha Hajo, haba ki la shah kthong ha ki kali jong pulit kiba la phet mar ïa ïohi ïa ki pulit.
