Rangia, Jylliew:
Ki pulit jong ka Rangia hapoh ka jingïalam jong u Bhaskar Malla Patowary, OC, bad u TSI Samarjyoti Kalita, ki la ïohbat ïa kawei ka trok kaba don ïa u Registration Number PB65BC 5967 ha NH-27 hajan ka Borolia Bridge Rangia.
Ha ka por ba la pynlong ïa ka jingpyntreikam, na ka jingwad bad ka jingkhmih bniah, ki pulit ki la ïoh ban kurup ïa 5.16 kilo u jingdih pynbuaid ba la tip kum u Opium uba la kot sha ki lak tyngka ïa uba la buh ha ka jaka ba don ka Engine jong ka trok.
Kumba la ïathuh ki pulit, la ong ba kane ka trok kaba la shah bat ka dei kaba la kit pylleng bad ka la wan na Haryana bad thmu ban leit sha Karimganj. Ha kaba ïadei bad ka jingjia ki pulit ki la ïoh ban kem ïa arngut ki briew, ïa kiba la tip kyrteng kum u Sukh Dev jong ka Punjab bad u Happy Singh jong ka Haryana.
