Jowai, Jylliew 26:
Ka Sawlyngdoh HSS, Mang Hai Ryum Secondary School, Govt. Boys HSS, HK. Singh Memorial SS, Ummulong Presbyterian HSS bad Nartiang Presbyterian HSS ki la jam sha ka quarter final ha ka District Level Inter School Subroto Cup Football Tournament.
Ha ka jingïakhun pre-quarter jong ka kyrdan ïalehkai Under-17 ki shynrang kaba la long ha ka Lah sngi U Blei ha Kiang Nangbah Stadium, ka Sawlyngdoh HSS ka la pynliem noh ïa ka Jowai Presbyterian HS School da 2-1 kol. Ka Mang Hai Ryum Secondary School ka la pynliem ïa ka Marian Hill HSS da 3-2 kol. Ka Govt. Boys HSS ka la pynliem ïa ka RC Eve Secondary School da 3-1 kol.
Ka H.K. Singh Memorial School ka la pynliem ïa ka Jowai District Presbyterian Secondary School da 1-0 kol. Ka Ummulong Presbyterian HSS ka la jop da 5-0 kol ïa ka Achiever’s Secondary School. Ka Nartiang Presbyterian HSS ka la pynliem ïa ka Laishnong HSS lyngba ka tie-breaker da 3-0 kol.
