Itanagar, Jylliew:
Ki la don lai ngut ki briew kiba la shahkem ha Longding distrik kaba don ha Arunachal Pradesh hadien ba ïa u Heroin uba la kot sha ka T. 6 lak la ïoh ban kurup na ka jingkhmih bniah ïa ki, la ïathuh ki pulit ha ka sngi U Blei.
Kum shi bynta ban pyntreikam hadien ba la ïoh jingtip shaphang jong ki, ka kynhun ba la lamkhmat da u Deputy Superintendent of Police jong ka Longding u B Tangjang ka la shah pyntreikam hajan lai lad jong ka Pumao-Longding bad kane ka kynhun jong ki pulit ka la ïoh ban kurup kumba 197.6 Gram ka song jong u jingdih pynbuaid na ki lai ngut ki nongkhaïi drok ha ka sngi Saitjaiñ, la ïathuh u heh pulit.
Kine baroh lai ngut ki kynthei ki la shahkem bad ka la don ka jingujor pyrshah ïa ki hapoh ka NDPS Act ha ka jaka treikam jong ki pulit ka Longding, u la bynrap shuh shuh.
