Mairang, Jylliew 27:
Ka lympung ïalehkai Eastern West Khasi Hills District Level Inter School Subroto Mukherjee Cup Football Tournament 2023” ïa kaba la pynïaid da ka shlem treikam jong ka District Sports Officer, West Khasi Hills ka la sdang ha ka Lah Sngi U Blei ha madan Dom Mawlum kaba ha Pyndengumïong, Mairang.
Ha ka kyrdan ïalehkai jong ka Under-14 ki khynnah shynrang, ka St. Thomas HSS ka la pynjem khnap ïa ka Langstiehrim SS haduh shi dorjon (12-0 kol).
Kiwei pat kiba la khur jingjop ha kane ka kyrdan ki kynthup ïa ka Mawkhar Presbyterian School, Little Star English Medium School bad ka St Joseph HSS.
Ha ka liang ka Under-17 ki khynnah shynrang, ka St. Thomas HSS ka la ïasam mar shi dor-thong (point) bad ka Langtor HSS hadien ba kim shym lah ban thep kol, katba ka Mairang Presbyterian HSS ka la jop haduh 11-0 kol ïa ka Pyndengumïong Presbyterian SS.
