Shillong, Jylliew 27:
Ka kynhun ïalehkai karate ka Jylla hapoh ka lama jong ka All Meghalaya Karate – Do Association (AMKA) ka la wan balai ha 8th Northeast India Karate Championship 2023 ba la pynïaid da ka Assam State Karate Association.
Ka jinglah ka kynhun ïalehkai na ka Jylla ban kynjoh sha katei ka kyrdan ka wan hadien ba ïoh khur 2 tylli ki takma ksiar, 6 tylli ki takma rupa bad 17 tylli ki takma rnong ha katei ka lympung kaba la sdang naduh ka 25 tarik mynta u bnai ha Karmabir Nabin Chandra Bordoloi Indoor Stadium kaba ha Sarusajai, Guwahati.
Kitei ar ngut kiba la khur ïa ka takma ksiar ki long u Gregorwilson Mawkdoh (Boys Cadet 57kg) bad ka Barisha Kharbani (Women Senior-61kg). Ïa ka takma rupa la khur da u Eric B Ryngnga (Boys Sub Junior -35kg), Daphisha Shadap (Girls Cadet-54kg), Gideon Tympuiñ (Boys Junior 55kg), Daiarisa Nongrum (Girls Junior-53kg), Davyson Kharkongor (Men Senior-55kg) bad ka Rebeka Nongspung (Women Senior-50kg).
Ïa ki takma rnong la khur da u M. Malniang (Boys Sub Junior Kata), Samuel Kurbah (Boys Sub Junior -35kg), Nathaniel J. Thongni (Boys Sub Junior +40kg), Emika Deimaia Myrthong (Girls Sub Junior +45kg), Hymnson Challam (Boys Cadet -52kg), Ibakordor Kharwanlang (Girls Cadet -54kg), Daphilahun Wahlang (Girls Cadet +54kg), Aibiangpormika Lyngdoh Mawphlang (Girls Cadet +54kg), Evanmedon Rynghang (Boys Junior -67kg), Bhawanchwadame Lyngdoh Mawphlang (Boys Junior +76kg), Inlumlang Skhemiew (Girls Junior -40kg), Genevieve Wahlang (Girls Junior -48kg), Larisha Kurbah (Girls Junior -59kg), Paul Danny Kharmudai (Men Senior -60kg), Ronald Lyngdoh Nonglait (Men Senior -67kg), Phikerbha Kharbihkhiew (Women Senior Kata) bad ka Durka Padit (Women Senior -68kg Bronze).
Kat kum ka kyrwoh ba la pyllait da u Bah Ksan Kupar Warjri, General Secretary ka AMKA, u la pynpaw ka jingai khublei naduh ki coach haduh ki khynnah kiba la wanrah burom da kaba kur jingjop ha katei ka lympung.
