Jowai, Jylliew 28:
Ka Marian Hill HS School, H.K Singh Memorial School, Laishnong HS School, Ïalong Secondary School, Lumpyrtuh Secondary School bad Sawlyngdoh HSS ki la buh jaka ïa lade sha ka Quarter final jong ka lympung ïalehkai District Level Inter School Subroto Cup Football Tournament ba la pynïaid da ka shlem treikam u District Sports Officer (DS), West Jaiñtia Hills.
Kane ka wan urlong hadien ki khur jingjop ha ki jingïakhun pre-quarter ha madan Kiang Nangbah Stadium, Ladthadlaboh ha ka sngi Balang.
Ha ka jingïakhun jong ka kyrdan Under-14 Boys, ka Marian Hill HS School ka la pynliem ïa ka All Saint Diocesan School da 2-0 kol. Ka H.K Singh Memorial Secondary School ka la pynliem ïa ka David & Lois Rees Memorial School da 2-1 kol. Ka Laishnong HS School ka la pynliem ïa ka Riwar Jaiñtia C.O.G Secondary School da 2-1 kol. Ka Ialong Secondary School ka la pynliem ïa ka Jowai Govt. UP RMSA School lyngba ka tie-breaker da 3-1 kol. Ka Lumpyrtuh Secondary School ka la pynliem ïa ka Ummulong Presbyterian HS School da 2-1 kol.
Ha ka Under-17 Boys, ka Sawlyngdoh HS School ka la pynliem noh ïa ka Syiem Jingsuk Secondary School da 1-0 kol.
