Itanagar, Jylliew:
Da ka jingdon jong ka ilekshon Assembly ha Arunachal Pradesh ka ban long ha u snem ban wan, ka seng ka liang pyrshah ka Congress ha ka jylla ka la don jingkyrmen bad nang khlaiñ da ka jingleit pynïasoh jong arngut ki Myntri barim bad ka seng.
U Kumar Waii, uba long u Myntri ka tnat ki kam pohïing ha ka sorkar jong u Pema Khandu, u la leit ban pynïasoh bad ka seng Congress hakhmat ka jingdon jong ka kynhun ki nongïalam jong ka seng ha New Delhi ha ka Lah Sngi U Blei, katba uwei pat u Myntri jong ka kynhun u Khandu, u Rajesh Tacho, u la leit ban pynïasoh bad kane ka seng ha ka sngi Balang.
U Waii u la mihkhmat na Bameng Assembly konstitwensi ha East Kameng distrik kum u MLA jong ka seng Congress na ka bynta lai sien kata naduh u snem 2004 haduh 2019.
Ha kaba hadien u la shahrem na ka konstitwensi ha u 2019 kum u kyrtong jong ka seng NPP ha u kyrtong jong ka seng BJP u Goruk Pordung.
U Tacho ha ka jingïakhun ilekshon u la jop na Anini konstitwensi da san sien kum u kyrtong jong ka seng Congress hashwa ba un leit ban pynïasoh bad ka seng BJP ha u 2014.
