Nongstoiñ, Naitung 03:
Ka lympung ïalehkai District Level Subroto Mukherjee Cup Football Tournament 2023 ba la pynlong da ka shlem trei kam District Sports Officer, West Khasi Hills District ka la nang jam shaphrang haduh ka Lah Sngi U Blei.
Haba phai sha ki jingïakhun jong ka Under-17 ki khynnah kynthei, ka Thomas Jone’s SS ka la pynliem noh da 3-0 kol ïa ka KJP Synod Higher Secondary School.
Ha ka Under-14 ki khynnah shynrang, ka New Nongstoiñ SS ka la pynliem noh da 3-0 kol ïa ka Rongrin RMSA Higer Secondary School bad ka Dapboklang Giri Memo SS ka la pynliem noh da 6-0 kol ïa ka Lad Nongsba Presbyterian SS.
Nangta ka St. Peter’s HSS ka la pynliem noh da 6-0 kol ïa ka Pingbah SS, katba ka St. Anthony’s Secondary School Jaidoh ka la pynliem noh da 2-0 kol ïa ka Sibsingh Govt. Memorial Higher Secondary School.
Shuh shuh ha ka Under-17 ki khynnah shynrang, ka Raid Mynsaw RMSA ka la pynliem noh da 7-0 kol ïa ka Mawïonglumsyntiew SS , ka BBC Secondary School Steplanglur ka la pynliem noh da 4-0 kol ïa ka Nonglang Higher Secondary School.
Na ka liang ka shlem treikam jong ka DSO ka la pyntip ruh ba ki skul kiba la ïoh ban rung sha ka quarter final jong katei ka lympung mynta u snem ha ka Under-17 ki kynthei ki kynthup ïa ka BBC Secondary School Steplanglur, St. Xavier SS, Jowel Gatphoh Memorial HSS, Lurmangkara SS, Sibsingh Govt. Memorial HSS, Assembly of God SS, Christ Disciple’s Girls SS bad ka Church of God SS.
Ha ka Under-14 ki long ka St. Peter’s HSS, Rev. JJM Nichol’s Roy SS, Nongstoiñ Public School SS, St. Anthony’s SS Jaidoh, Dapboklang Geri Memo SS, New Nongstoiñ SS, Lurmangkara SS bad ka Donbosco SS Mawkhlam.
Shuh shuh ha ka Under-17 ki shynrang pat ki kynthup ïa ka Joel Gatphoh Memorial HSS, Anderson HSS, Sibsingh Govt. Memorial HSS, BBC Secondary School Steplanglur, Anthony’s Memorial SS, Assembly of God SS, Rev. JJM Nichol’s Roy SS bad ka BPL S.S.
Shuh shuh na ka liang ka DSO, ka la pyntip ruh na ka bynta ka jingïalehkai quarter final jong katei ka lympung yn pynlong noh ha madan shnong Mawkadiang, West Khasi Hills ka ban sdang ha ka Sngi Ba-ar naduh ka por 8 baje mynstep.
