Shillong, Naitung 03:
Ka ’thei ïalehkai na America ka Jessica Pegula ka la khur ïa ka jingjop ha ka wat ba nyngkong jong ka Wimbledon. Kane ka wan urlong hadien ba ka lah ban pynliem ïa ka Lauren Davis da 6-2, 6-7(8), 6-3 ha ka Lah Sngi U Blei ha London.
Kane ka ’thei ïalehkai naduh kaba sdang jong ka Davis Cup ka la shem jingeh ban ïalehkai bha ha kaba ka la shah tam naduh ka jingïakhun kaba nyngkong. Kane ka jingbym lah ban ïalehkai bha ka Davis ka la pynlong ïa ka Pegula ban ïoh ïa ki kabu kiba biang na ka bynta ban tam da 4-hapoh ki 15 minit.
Wat la ka Davis ka la pyrshang ban ïakhun tyngeh, hynrei ka Pegula ka la wanphai da ka jingkhlaiñ bor bad haduh kaba kut ka la khur syndon ïa ka jingjop.
Lyngba kane ka jingjop, ka Pegula kan pynkhreh ïa ka jingïakhun jong ka wat ba-ar pyrshah ïa ka nongïalehkai na Spain ka Cristina Bucsa lane ka Kamilla Rakhimova na Russia.
