Shillong, Naitung 03:
Ka lympung ïalehkai chess ba la tip kum ka East Khasi Hills District Selection Chess Tournament 2023 ka la poi sha kaba kut ha ka Sngi Saitjaiñ ha Govt. Girl’s H/S School, Shillong.
Ki nongjop ha kane ka jingïalehkai ki long u Bobby Lyngdoh, Mc Enbok Khyllep, Benedict Shabong, Garry B. Lyndem, Amit Saraf, Ganesh Rai, Radharanjan Chakravarty, Mewanpynhunlang Diengdoh, Sanu Das, Mewanshwa Uriah, ka Alisha Lyngdoh bad u Jefferson V. Lyngdoh.
Ïa ka Best Female la rah da ka samla Aitylyne Diengdoh bad Promising Player ka leit sha u Advitiya A. G.
Ïa ki khusnam sha baroh kitei ki nongjop la sam da u President ka Meghalaya Chess Association u Bah K. M. Warjri, kumjuh u General Secretary, Publicity Secretary, ryngkat ki dkhot nongkitkam ka EKHDCA bad u International Arbiter u Th. B. Singh.
Kitei 12 ngut ki nongïalehkai kiba la khur ïa ka jingjop kin mihkhmat ïa ka District sha ka 46th State ‘A’ Chess Championship 2023 ka ban long ha Umsning, Ri-Bhoi District ha ka 14 bad 15 tarik mynta u bnai.
