Jerusalem, Naitung:
Ka tnat ka koit ka khiah jong ka Palestine ha ka Lah Sngi U Blei ka la pyntip ba ki bor pahara ka Israel ki la siat iap ia uwei u nong Palestine bad uwei pat u la mynsaw hapdeng ka jingleit khynra bad jingthombor jong ki hapoh ka thaiñ Jenin jong ka nongbah West Bank.
Ka tnat shipai jong ka Israel ka la pyntip ba ha katei ka sngi ka leit ban khynra bad thombor ia ki ktem lehnoh kiba don ha Jenin bad ki paidbah nongshong shnong ka Jenin ki la iathuh ba uwei u ‘namding u la wan suh beit-beit bad leit bthei ha katei ka jaka ha katei ka sngi.
Ka tnat shipai jong ka Israel ka la pyntip ba katei ka long tang ka jingkhynra jong ki bor pahara ka Israel ban ratdyngkhong ia ki kam thombor jong ki lehnoh ha katei ka thaiñ.
