Nongstoiñ, Naitung 04:
Ka St. Peter’s Higher Secondary School bad ka Dapboklang Giri Secondary School ha ka U-14 ki khynnah shynrang ki la ïoh ban khur ïa ka jingjop ha ka quarter-final ka lympung ïalehkai District Level Subroto Mukherjee Cup Football Tournament 2023 ïa kaba la pynlong da ka shlem trei kam jong ka District Sports Officer, West Khasi Hills District.
Katei ka nam jop jong ka St. Peter’s Higher Secondary school ka dei hadien ba kala lah ban pynliem noh da 2-0 kol ïa ka New Nongstoiñ Secondary School, katba ka Dapboklang Giri Secondary school kala pynliem noh da 6-0 kol ïa ka Rev. JJM Nichol’s Roy Secondary school.
Shuh shuh lyngba ka nam jop ha ka jingïalehkai quarter final ha ka sngi Ba-ar, ka la pynlong ïa ka St. Peter’s Higher Secondary school bad ka Dapboklang Giri ha ka U-14 ki shynrang ban rung mynta sha ka semi final jong katei ka lympung.
Haba phai pat sha ka jingïalehkai quarter-final ki khynnah kynthei ha ka kyrdan U-17, ka BBC Secondary School Steplanglur kala ïoh ban khur ïa ka jingjop da kaba kala pynliem noh da 2-0 kol ïa ka Assembly of God Secondary school.
Nangta, ka Sibsingh Govt. Memorial Higher Secondary school kala pynliem noh da 4-0 kol ïa ka St. Xavier’s Secondary School, ka Joel Gatphoh Memorial Secondary School kala pynliem noh da 3-0 kol ïa ka Church of God Secondary school, nangta ka Christ Deciple’s Girls Secondary school kala pynliem noh da 1-0 kol ïa ka Lurmangkara Secondary School.
Kumta lyngba katei ka jingjop ha ka quarter final, kala pynlong ïa ka BBC Secondary School Steplanglur, ka Sibsingh Govt. Memorial Higher Secondary School, ka Joel Gatphoh Memorial Secondary School bad ka Christ Deciple’s Girls Secondary School ba kin ïoh rung sha ka semi final jong katei ka lympung ïalehkai.
