Tura Naitung 04:
Ka NPP-Tura ka la rai ban kyrshan ïa u Myntri Rangbah ka Jylla, u Conrad K. Sangma ha ka ban pyrshah ïa ka jingmynjur ïa ka Uniform Civil Code (UCC) bad kyntu ïa ka MP ka Tura, Agatha K. Sangma kumjuh ïa u MP ka Shillong, Bah Vincent Pala ban pynpaw ïa ki jingsngew jingpyrshah jong ki halor kane kajuh ka mat ha Parliament.
Ka rai ban kyrshan ïa u Myntri Rangbah halor katei ka mat ka la long hadien ka jingïalang ba kyrkieh kaba la long ha 3 tarik mynta u bnai.
Ha kane ka jingïalang la ïadonlang ki nongïalam ka seng ba kynthup ïa u President ka South Tura Block, u Lonerson Ch Marak, State Level General Secretary, C.N. Sangma bad State Working President, S.B. Sangma.
Ha katei ka jingïalang, la ïakren ruh halor ka jinglong-jingman ha Manipur ha kaba baroh ki nongïashim bynta ki la thang mombati kum ka dak jong ka jingïatylli bad kito kiba la shah ktah ha ka jingjia.
