Guwahati, Naitung:
U Jagdeep Dhankar, uba long u Vice President jong ka ri u la poi ha Lokpriya Gopinath Bordoloi International Airport kaba don ha Guwahati hynnin ka step.
U Vice President u la leit jngoh ïa ka nongbah ban ïashim bynta ha ka Convocation jong ka Indian Institute of Technology Guwahati.
U Myntri Rangbah jong ka Assam u Himanta Biswa Sarma bad u Lat u Gulab Chand Kataria ki la leit jngoh ïa ka Guwahati bad poi ha ka jaka sangeh liengsuiñ ha kaba ki la pdiang burom ha kane ka jingleit jngoh jong u Dhankar.
U Dhankar u la leit jngoh ïa ka Kamakhya Temple kaba don ha Guwahati kum shi bynta jong ka jingleit jngoh jong u sha ka jylla.
U la pan ka jingkyrkhu na ki blei hashwa ba un poi sha ka Indian Institute of Technology Guwahati.
U la don bynta ha ka Convocation kaba 25 ha ka jaka pule. Ki la don bun ngut ki heh sorkar bad ki MLA kiba la ïadonlang na ka bynta ban pdiang burom ïa u ha ka jaka sangeh liengsuiñ ha ka nongbah.
Kane ka dei ka sien kaba ar jong ka jingleit jngoh jong u sha ka jylla kum u Vice President, u Jagdeep Dhankhar u la poi ha Dibrugarh na ka bynta ban don bynta ha ka 21st Convocation Ceremony jong ka Dibrugarh University ha ki ar bnai ba la lah.
