Imphal, Naitung:
Ki shipai jong ka tnat Army bad Assam Rifle ki la ïoh ban pyllait ïa san ngut ki samla kiba dei jong ka kynhun jait bynriew Meitei hadien ba ki la shah rahbor ha ki lehnoh Kuki ha ki ar sngi ba la lah, la ïathuh ka tyllong khubor.
Ki heh shipai ha Imphal, ki la ong ba ha ka sngi U Blei ki shipai ka tnat Army bad Assam Rifles ki la ïoh ban pyllait ïa san ngut ki samla na ka shnong Gwaltabi kaba hap hapoh ka jingkhmih jong ki pulit ka Yaingangpokpi ha Imphal East distrik.
La ïoh jingtip ba ki lehnoh Kuki ki la rahbor ïa ki samla ha ka janmiet jong ka sngi Saitjaiñ ha ka por ba ki dang leit jingleit da ka Autorickshaw. Ha kaba ïadei bad kane, ki lehnoh Kuki ki la pynshisha da kaba ong, ba na ka jingkwah ban wanrah ïa ka shongsuk-shongsaiñ, ki la pyllait noh ïa kine ki san ngut ki samla.
