Imphal, Naitung:
U Myntri Rangbah jong ka Manipur u N. Biren Singh u la ong ba ka kynhun jong ki shipai ka jylla ha ryngkat ki shipai jong ka sorkar kmie, kin don bynta ha ka ban pynjur ïa ki rukom pyntreikam halor ka jingthmu ban lah ban wanrah ïa ka shongsuk-shongsaiñ ha ka jylla kaba la shah ktah na ki jingïakynad.
Ka jingïakynad kaba la jia ha ka jylla ka la shim ïa ka jingim jong palat 150 ngut ki briew, kynthup ïa ki longkmie bad ki khynnah. U Myntri Rangbah u la ai jingmut ba la dei ban pynduh noh ïa baroh ki jaka rieh ba la shna da ki kynhun jait bynriew bapher bapher ha baroh ar kata ha ki lum bad ki them jong ki thaiñ ba bun jong ka jylla bad ban ïaleh ban wanrah ïa ka shongsuk bad ka roi ka par.
