Mairang, Naitung 05:
Ka Eastern West Khasi Hills District Badminton Association ha ka 5 tarik u Naitung 2023 ka la ïoh ban plie pyrda noh ïa ka jingïalehkai Badminton ba la tip kum ka 3rd District Open cum Inter School Badminton Tournament 2023 ba la pynlong ha Indoor Stadium, Mairang Mission.
Ha kane ka lympung ki don 5 tylli ki skul kiba wan ban ïashim kiba kynthup ïa ka Mairang Presbyterian English Secondary School, ka Mairang Vidya Jyoti Inclusive Secondary School, ka St Thomas Higher Secondary School, ka Khadsawphra Higher Secondary School bad ka Tirot Sing Memorial College Higher Secondary Section.
Ha katei ka lympung, la phiah ruh ïa ki kyrdan ïalehkai kiba kynthup ïa ka U-13, U-16 bad ka U-19 na ka bynta ki kynthei bad shynrang. Ïa kane ka lympung la plie da u Bah G Kharmawphlang (IAS), Deputy Commissioner jong ka Eastern West Khasi Hills District uba la ïadon lang kum u kongsan.
