Beijing, Naitung:
Kawei ka jingkieng iaid rel kaba don hapoh ka nongbah Chongqing jong ka China, ka la dkut bad khyllem noh ha ka step Sngi Ba-ar hadien u slap bajur uba la ther ia ka Southwest China mynta la kumba katto-katne sngi. Nalor kane, ka la mih sa ka jingmaham ba ki jingjia kiba pher ki lah ban wan jia na ka jingpynthut jong ki bor ka mariang ia kane ka ri.
Kumjuh ruh la ong ba ka China naduh u bnai ba la leit, ka la ioh mad ia u slap ba khlem sangeh, kaba la wanrah ia ki jingshlei um bad ki jingtwa khyndew ha kiba bun ki bynta jong ka ri. Kane ka la pynlong ruh ia ka sorkar bad ki bor pyniaid ka China ba kin wanrah da ka jingmaham sha ki paidbah nongshong shnong khnang ba kin ioh ban pynkhreh ialade ha kum kitei ki por kiba ap jingma ia ka thiah- ka dem bad ia ka jingim jong ki.
