Shillong, Naitung 06:
Ka West Khasi Hills District Chess Association kan pynlong ïa ka 9th WKHDCA State B Chess Championship cum Inter Schools Chess Championship 2023 ha ka 8 tarik mynta u bnai naduh ka por 9.30 mynstep ha SGRY Hall C&RD Block Nongstoiñ.
Kane ka lympung kan long na ka bynta ki paidbah bad ki khynnah skul jong ka West Khasi Hills District ki ban shim bynta ha ka Under-12, Under-15 bad Under-18.
Ha ka open category yn jied 6 ngut kiba wan hakhmat duh ki ban ïoh mihkhmat ïa ka District sha ka Meghalaya State Level ka ban long ha Ri Bhoi District ha ka 14 bad 15 mynta u bnai.
Kat kum ka kyrwoh ba la pyllait da u Bah Bonney Kharbani, General Secretary ka WKHDCA, la ong na ka bynta kiba kwah ban shim bynta ki lah ban phone lane message ha u number jong u (8258898775) bad President Bah Richard Sun (7005842605).
