Shillong, Naitung 06:
Ka lympung ïalehkai Subroto Mukherjee Cup Football Tournament 2023 ba la pynïaid da ka shlem treikam ka District Sports Officer (DSO) East Jaiñtia Hills ka la jam sha ka semi final ka ban long mynta ka sngi Thohdieng ha madan Deingchynrum jong ka EJDSA.
Ki kynhun kiba la rung sha ka semi final ha ka Under-17 (kynthei) ki long ka Lotus Secondary School, Sham Sham Secondary School, Khliehriat HSS bad ka Rymbai Government SS.
Ha ka Under-14 (shynrang) ki long ka Cheihruphi SS, Khliehriat HSS, K.B. Memorial SS bad ka Step By Steps SS. Ha ka Under-17 (shynrang) ki long ka Sein Jait Tuber HSS, Rymbai Presbyterian SS, Seng Samla KJP Synod bad ka Wapung HSS.
