Shillong, Naitung 06:
Ka Netherlands ka la long ka kynhun kaba shiphew ban ïoh rung sha ka ODI World Cup 2023 ka ban long hapoh ri India.
Ka jinglah ban pynthikna kane ka kynhun ka la wan hadien ba ka la lah ban pynliem noh ïa ka Scotland da 4 wiket ha ka lympung ïaknieh rung World Cup (qualifier).
Haba shimti ïa ka pali ban tied nyngkong, ka Scotland ka la lah ban kamai 277 run bad shah pynkhyllem 9 wiket ha ki 50 over. Hynrei haba wan ban beh ïa ka thong, ka Netherlands ka la donkam tang 44 over na ka bynta ban pynliem ïa ka Scotland.
Te kumta kane ka kynhun ka la lah ban pynurlong ha ki 42.5 over bad kane ka la wan lyngba ka jingïalehkai bha u Bas de Leede, uba la ïoh ban khyrwit 123 run na ki 92 bol.
Kumjuh ka Sri Lanka ka la ïoh sha kane ka kyrdan, katba ka Zimbabwe ka la duh noh ïa ka lad ban ïoh rung hadien ba ka la shah rem noh ha ka Scotland ha ka sngi Ba-ar.
