CB Iawphniaw
Ha ka jingsngewthuh barit jongngi kum ki ‘riew paidbah. Ka Uniform Civil Code ka long ka aiñ kaba paka tam ban pyntrei kam ha ka imlang ka sahlang jongngi ki briew. Namar kane ka aiñ ka ai ïa ka hok ba ïa ryngkat ia baroh ki nongshong shnong hapoh ka ri. Kam don shuh ka jingleh shiliang, ym don shuh ka jingiasngewpher jait pher kynja. Ngi la long ryngkat ha khmat ka aiñ ka imlang ka sahlang ka synshar ka khadar bad kiwei kiwei. Bad ym don shuh ka jingsngewpher niam wat la ngi don la ka jong ka jingngeit ruh. Ha ka liang ka kam ka jam ruh ym don shuh ka peit shiliang ba tang kiba don pisa kin ioh kam. Ha ka trei ka ktah ruh ngi ïa long ryngkat haba ngi don ka jingtbit ha kano kano ka lain. Te ka long kaba donkam shisha ban pyntrei kam noh ïa kane ka aiñ Uniform Civil Code, kumba angnud u Myntri Rangbah ka Ri India. Kane ka aiñ ka wanrah ka jingbha lang salonsar ia baroh khlem ka jingñiew shiliang khmat iano iano. Wat la kiba don ba em kim lah ban shu ñiew poh kum ki mraw ïa ngi kiba rit ba ria. Ha ka jingai bynta ka hiar pateng ruh ia ka jingdon jingem ruh kin ïa ioh mar kumjuh. Peit nuksa ha ki skul mynta ruh haba la wanrah pynphong Uniform katno ka long kaba itynnad bad long ryntih ha ki khynnah skul. Ym kum mynshuwa ngi ia phong sopti la ka jong ka jong ha ki skul, uba phong sopti rong lieh, sopti rong saw, sopti rong iong katba mon ym ithuh ithaw shuh.Shu long lymbrum lymbram, katba mynta haba la wanrah da ki Uniform ka pynitynnad la ha ki skul bad ha ki jingïaleh kai phutbol ruh. Ka Uniform Civil Code ka ai jingmyntoi ia kiba bun hapoh ka Ri.
