Guwahati, Naitung:
Ka jingwan tyllep jong ka jingshlei um ha ka sien kaba nyngkong ha ka jylla Assam ka la ktah jur ïa kiba bun ki nongshong shnong ha kane ka por.
Hadien ba ki la don da ki hajarngut ki briew kiba la duh ïa ki jaka shong jaka sah bad kiba bun ki jingthung jingtep ki la shah pynjulor lut na ka jingshlei um, ka jingtreikam jong ki rel ha kiba bun ki thaiñ ki la shah ktah jur.
Ka jingshlei jong ka um ka la poi haduh ka jingbuh dak ba don jingma ha Namsasujan, kaba don hajan LahingStation ha Mariani.
Kane ka jingnehjong ka jingshlei um ka la ktah ïa ka jingtreikam jong kiba bun ki rel ha Titabor and Aamguri Junctions jong ka jylla.
Ka kynhun Railway Protection Force bad ki heh badei khmih jong ka tnat Railway ki la leit sha ka jingkieng ba don ka lynti rel bad ki la khangnoh ïa ka hadien katto katne por.
Ha kaba ïadei bad kane, na ka liang ki nongshong shnong, ki la ong ba ka la donkam ha kane ka por ban pruid lynti na ka bynta ban pynïaid ïa ka um kaba la lang ha kiba bun ki jaka.
U Myntri Rangbah ka jylla u Himanta Biswa Sarma u la leit ban ïakynduh ïa u Myntri Rangbahduh u Narendra Modi ha New Delhi ha ki khyndiat sngi ba la leit na ka bynta ban batai bniah shaphang ki jinglong jingman kiba la mih na ka jingktah ka jingshlei um ha kylleng ki jaka jong ka jylla.
